Destinasjon Pyreneane
Om du ynskjer ein avslappande ferie i naturskjønne omgjevnadar eller eit hardbarka fjelleventyr (eller noko midt imellom), vil Pyreneane oppfylle forventningane dine, og vi hjelper til med å planleggje og organisere ferien din slik at du får mest mogleg ut av den.
Vi er basert i Vall de Boí, ein av dei vakraste dalane i Pyreneane. Her finn du imponerande landskap med fjelltoppar over 3 000 meter, vakre innsjøar og elvar, 1000 år gamle romanske kyrkjer og sjarmerande landsbyar med gjestfrie folk og god lokalmat. Som lokalkjende kan vi foreslå våre favorittaktivitetar og skjulte perler utanfor dei vanlege turistløypene.
Sjølv om Vall de Boí er heime for oss, strekkjer leikeplassen vår seg over heile Pyreneane, deriblant nabodalane Vall d’Aran, Valle de Benasque, Vall Fosca og Pallars Sobirà. Vi tilbyr skreddarsydde forslag for å møte dine forventningar, og gjev ein oversikt over kva vi kan gjere for deg.
Du ynskjer å nyte natur og kultur…
Vi kombinerer korte eller moderate fotturar med andre aktivitetar, som til dømes besøk i romanske kyrkjer, spaet i Caldes de Boí, el-sykkelturar, tandemparagliding og sjølvsagt lokale restaurantar.
Du er ein eventyrlysten turgåar…
Vi fokuserer på fotturar og utflukter tilpassa dine ønskjer, anten det er sirkulære løyper med naturskjønne stopp, eller høge toppar og ryggar. Alternativa inkluderer dagsturar med landsbyovernatting eller fleirdagsturar med overnatting i fjellhytter. Desse kan vere guida av ein sertifisert fjellførar eller sjølvguida, og kombinert med andre aktivitetar som el-sykkelturar eller juving.
Du er fjellklatrar eller alpinist med meir ambisiøse mål…
Vall de Boí er eit paradis for granittklatring og teknisk alpinisme. Lista over aktivitetar for sportsklatrarar, tradklatrarar og fjellklatrarar er omfattande. Vi kan hjelpe deg med å velje måla dine og organisere turen i samsvar med desse, med alternativ for guida eller sjølvguida eventyr.
Du er skikøyrar…
Sjølv om dei siste snøsesongane har vore uregelmessige, er skianlegga våre dyktige på snøproduksjon og vedlikehald, og tilbyr gode forhold frå jul til påske. Vall de Boí har eit mellomstort skianlegg (45 km med skibakkar) som er ideelt for nybyrjarar, men også med mange frikøyringsmoglegheiter. Nærliggjande Val d’Aran har Baqueira-Beret, det største og beste skianlegget i Pyreneane med 165 km med skibakkar.
For toppturentusiastar sikrar Dani si ekspertise at du finn glede i det vakre vinterlandskapet, sjølv om pudderet er sjeldan. Toppturaktivitetane kan vere guida av ein sertifisert fjellførar eller sjølvguida for erfarne skikøyrarar.
Vi tilbyr….
Organiserte turar / fellesturar
Turar der vi lagar eit program og organiserer alt det praktiske. Vi legg ein plan for fjellturar, kulturelle opplevingar og eventuelt andre aktivitetar, bookar overnatting og restaurantar, sørger for transport og tek generelt ansvar for at alt ligg til rette for ein fin gruppetur.
Gruppene vil vere på maks 8-10 personar og det er ope for kven som helst til å melde seg på.
Skreddarsydde turar
Turopplegg etter dykkar ynskjer og behov! Her vil vi ha to versjonar. Enten gjennomfører de turen på eiga hand, med all nødvendig informasjon og forklaringar frå oss, eller så stiller vi som vertskap og assisterar undervegs.
Uansett om de ynskjer å gjennomføre turen med eller utan “turvert” så legg vi ein plan med utgongspunkt i dykkar ynskjer og i samarbeid med dykk. Vil de ha teknisk og fysisk krevande turar? Roleg vandring for å nyte naturen og nista? Hytte til hytte tur over mange dagar? Ulike aktivitetar kvar dag? Meir fokus på kulturelle opplevingar?
De beskriv kva de ser føre dykk, og vi gjer vårt beste for å skreddarsy turen dykkar!
Planleggingsassistanse
Du har lyst på tur til Pyreneane, men er usikker på kva område eller kva aktivitetar du skal gå for. Vi gjer ei lita kartlegging av kva du ynskjer og kjem så med forslag til spesifikke turar og stader som kan passe deg, overnattingsstader, ruter osb. Inga detaljplanlegging eller bookingteneste, men konkrete tips og råd basert på vår lokalkunnskap.
